LONDËR, 6 prill /ATSH-AFP/ – Kryeministri britanik, Boris Johnson, 55 vjeç, i cili rezultoi pozitiv për koronavirusin e ri 10 ditë më parë, u transferua në kujdes intensiv, sot, pas shtrimit në spital në Londrën Qendrore, tha zëdhënësi i tij.
“Gjatë pasdites, gjendja shëndetësore e kryeministrit u përkeqësua dhe, me këshillën e ekipit të tij mjekësor, ai u transferua në njësinë e kujdesit intensiv të spitalit”, tha zyrtari.
“Kryeministri i kërkoi ministrit të Jashtëm Dominic Raab (…) ta zëvendësojë atë kur është e nevojshme”, shtoi ai në një deklaratë./ a.jor.
