TIRANË, 4 Dhjetor/ATSH/ Ministri i Bujqësisë dhe Zhvillimit Rural Bledi Çuçi, njëherazi drejtues i operacionit për gjendjen e jashtëzakonshme deklaroi sot se deri tani kemi akomoduar 12 mijë persona.
Deklarata e ministrit Çuçi u bë në mbledhjen e jashtëzakonshme të qeverisë nën drejtimin e zëvendëskryeministrit Erion Braçe.
“Numri i banorëve të akomoduar në hotele, çadra, qendra sociale, palestra etj, ka shkuar në 12 mijë persona. Kemi rreth 4 mijë persona në hotele . Në palestra janë akoma 254 persona. Numri i personave në çadra është rreth 6500 në qendra sociale 395. Ndërsa në Kosovë janë akomoduar 769 persona. Rreth 436 persona janë akomoduar në mënyra të tjera”, deklaroi Çuçi./a.gjonaj/ /a.g/
