BERLIN, 22 nëntor /ATSH-DPA/ Një problem që përfshin komponentët e ndërtimit në terminalin kryesor të Aeroportit Ndërkombëtar të Brandenburgut (BER) në Berlin mund të zgjidhet, deklaruan sot autoritetet.
“Është në rrugën e duhur”, theksoi Hartmut Zimmermann, inxhinier i provës për rrethin Dahme-Spreewald.
Pas vështirësive të shumta dhe pas një vonese 9-vjeçare, BER është planifikuar të fillojë operimin në tetor të vitit 2020.
Planifikimi për aeroportin filloi në vitin 1992, menjëherë pas ribashkimit gjerman, por planifikimi i dobët dhe defektet në ndërtim çuan në vonesa dhe rritje të kostove. /sara/r.e/
