TIRANË, 13 shtator /ATSH – Bashkia Pukë në prag të vitit të ri shkollor po kryen inspektimet e fundit në shkolla, jo vetëm në qytet por edhe në fshatrat përreth.
“Për ne nuk është me rëndësi sa është numri i nxënësve në një shkollë. Edhe për një nxënës do krijojmë kushtet e duhura për një proces mësimor normal. Sapo kemi përfunduar riparimin e të gjithë pjesëve të dëmtuara të shkollës në fshatin Vrrith, njësia administrative Luf-Qerret”, thuhet në njoftimin e bashkisë.
”Të hënën jemi gati në çdo shkollë. Suksese çdonjërit prej nxënësve dhe mësuesve në bashkinë tonë”, uroi bashkia. /j.p/
