TIRANË, 13 shtator /ATSH – I. Vata/ Bashkia Dibër vazhdon punë për përgatitjen e institucioneve arsimore për nisjen e vitit të ri shkollor 2019-2020.
Kryetari i bashkisë Dibër, Dionis Imeraj ka inspektuar sot punimet në shkollën “Hasan Leka” ku vazhdon puna për përfundimin në kohë të tyre.
“Ndonëse kanë mbetur dhe 3 ditë që na ndajnë nga nisja e vitit të ri shkollor ne vazhdojmë punë për të bërë gati çdo shkollë të bashkisë për nisjen e vitit të ri shkollor”, tha Imeraj.
“Skuadra e Bashkisë Dibër ka shtuar ritmin dhe intensifikuar punën për të bërë gati të gjitha institucionet arsimore të bashkisë për datën 16 shtator”, shprehet ai. /j.p/
