TIRANË, 13 shtator /ATSH/ – Ambasadori i ri i Sllovenisë në Shqipëri, Peter Japelj i paraqiti letrat kredenciale Presidentit të Republikës, Ilir Meta.
Në takimin e zhvilluar mes tyre u vlerësuan marrëdhëniet shumë të mira e miqësore ndërmjet Shqipërisë dhe Sllovenisë.
Gjithashtu u evidentuan mundësitë për të rritur bashkëpunimin ekonomiko-tregtar ndërmjet dy vendeve.
“Pata kënaqësinë të pres Ambasadorin e ri të Sllovenisë në Shqipëri, Peter Japelj, me rastin e paraqitjes së letrave kredenciale. Vlerësuam marrëdhëniet shumë të mira e miqësore ndërmjet Shqipërisë dhe Sllovenisë. Evidentuam mundësitë për të rritur bashkëpunimin ekonomiko-tregtar ndërmjet dy vendeve”, theksoi sot Presidenti Meta pas takimit.
/gj.mima/ /a.g/
