TIRANË, 28 gusht /ATSH/ Zjarri që ra në zonën e Pustecit u kontrollua falë edhe ndihmës së helikopterëve zjarrfikës të dërguar nga Greqia.
Pas kërkesës së Ambasadës së Shqipërisë për ndihmë, Greqia dërgoi helikopterë zjarrfikës për luftën ndaj zjarrit.
Ambasada shqiptare në Greqi, thekson se, “bashkimi i forcave midis Shqipërisë dhe Greqisë bëri të mundur kontrollin e zjarrit në zonën e Pustecit”.
“Pas kërkesës së Ambasadës shqiptare për ndihmë, Greqia dërgoi helikopterë zjarrfikës për luftën ndaj zjarrit. Falënderojmë institucionet greke për solidaritetin fqinjësor, për një problem që nuk njeh kufij”, shton Ambasada shqiptare në Greqi.
/gj.mima/j.p/
