BUDAPEST, 30 maj /ATSH-AFP/ – Qeveria hungareze njoftoi sot se hiqte dorë nga lënia në fuqi e gjykatave të reja administrative, të akuzuara për cënim të parimit në ndarjen e pushteteve.
‘’Qeveria vendosi të pezullojë për një periudhë të pacaktuar futjen e sistemit të gjykatave administrative’’, njoftoi Gergely Gulyas, zëdhënës i qeverisë hungareze.
Gulyas e justifikoi këtë vendim pas konstatimit se ky projekt u kthye në epiqendrën e mosmarrëveshjeve europiane dhe ndërkombëtare.
Komisioni i Venecias, organ konsultativ i Këshillit të Europës, e kritikoi ligjin duke e cilësuar shumë dominues autoritetin e ministrit të Drejtësisë ndaj gjykatave të reja.
OJQ-të për mbrojtjen e të drejtave të njeriut në Hungari, si Komiteti i Helsinkit vlerësuan se sistemi i ri ishte një kërcënim serioz për shtetin e së drejtës në Hungari./ /v.b/ a.jor.
