RABAT, 23 prill /ATSH-AFP/ – Autoritetet marokene sekuestruan shtatë tonë rezinë kanabis dhe arrestuan shtatë të dyshuar, bëhet e ditur në një komunikatë të Zyrës Qendrore të Hetimeve Gjyqësore (BCIJ).
BCIJ-ja, një polici e specializuar në fushën e antiterrorizmit dhe luftës kundër kriminalitetit, njoftoi për sekuestrimin e kësaj sasie droge gjatë një operacioni të zhvilluar të hënën dhe të martën në Kazablanka, në perëndim të vendit.
Droga e sekuestruar u gjet në ngarkesën e një kamioni të transportit të mallrave dhe dy furgonave, në afërsi të portit të Kasablankës, kryeqendra ekonomike e mbretërisë, sipas BCIJ-së.
Ajo kishte si destinacion të eksportohej në rrugë detare, por pa specifikuar vendndodhjen./ /v.b/ a.jor.
