TIRANË, 18 mars /ATSH – I. Vata/ – “Bashkia Dibër ka nisur transformimin e lagjeve të qytetit të Peshkopisë”, u shpreh sot për ATSH, kryetari i bashkisë Dibër, Muharem Rama
Në vijim, Muharem Rama shton se bashkia e Dibrës ka investuar në përmirësimin e infrastrukturës në lagjen “Kasemi”.
“Investimi është bërë nga bashkia Dibër dhe përbën 0.65 km infrastrukturë rrugore, sistemim i trotuareve. Përmirësimi i infrastrukturës sjell shërbime publike afër qytetarëve, rivitalizimi të hapësirave publike dhe monumenteve të trashëgimisë kulturore si dhe u shërben qindra qytetarëve”, shprehet ai.
Po ashtu, kreu i bashkisë Dibër, shtoi se sfidat sa vinë e bëhen më të mëdha.
“Nevojat për financime në bashkinë Dibër janë goxha të mëdha, duke marrë në konsideratë shtrirjen territoriale, rritjen e nivelit të jetesës dhe sensibilizimit qytetar për të marrë shërbime sa më cilësore në të gjithë territorin e bashkisë. Ne padyshim që po bëjmë maksimumin për të ofruar këto shërbime tek të gjithë qytetarët”, tha Muharem Rama. /j.p/
