ATHINË, 17 janar /ATSH-DPA/ – Policia përdori sot gaz lotsjellës për të shtyrë një grup mësuesish që përpiqeshin të mësynin në Parlamentin grek për të protestuar kundër masave shtrënguese, njoftoi media lokale.
“Disa mijëra mësues kanë protestuar në qendër të Athinës kundër qeverisë së kryeministrit Aleksis Cipras”, njoftoi televizioni kombëtar ERT.
“Mësuesit kërkonin punësim të përhershëm pas shumë vitesh me kontratë të përkohshme”, sipas ERT-së.
Të gjitha shkollat e Greqisë të drejtuara nga shteti u mbyllën sot në solidaritet me mësuesit.
Për shkak të masave shtrënguese, shumë pak mësues janë punësuar në mënyrë të përhershme në 10 vitet e fundit. /G.S/
