TIRANË, 21 dhjetor /ATSH/ – “Policia e Shtetit hap dyert e Akademisë së Sigurisë për studentët që kanë përfunduar me rezultate të larta në ekonomi, financë, informatikë, elektronikë dhe jurisprudencë”.
Ministri i Brendshëm, Sandër Lleshaj ka reaguar sot për votimin në Kuvend një natë më parë duke theksuar se, “ndryshimet e miratuara mbrëmë nga Kuvendi në Ligjin “Për Policinë e Shtetit”, hapin rrugën drejt një etape të rëndësishme të modernizimit të saj”.
“Të diplomuarit universitarë do të integrohen në strukturat e hetimit në Policinë e Shtetit, pasi të kalojnë një periudhë arsimimi e trajnimi në Akademinë e Sigurisë”, shprehet ministri Lleshaj.
/gj.mima/j.p/
