TIRANË, 26 nëntor/ATSH/ – Pas rikonstruksionit, Qendra Shëndetësore Nr. 1 në qytetin e Fierit do të marrë emrin e një personi human dhe të respektuar, Marko Veshka. Në këtë ceremoni morën pjesë nënkryetarja e bashkisë së Fierit, Enkelejda Peshkëpia, drejtori i DRSh Kreshnik Tërnova, përfaqësues të Shoqatës Myzeqeja, Shoqatës Mallakastra, familjarë dhe miq.
Ceremoninë e vendosjes së pllakatës së emrit e hapi nënkryetarja e bashkisë, Enkelejda Peshkëpia, e cila pasi bëri vlerësimin e figurës së Marko Veshkos, është shprehur dhe se puna e bashkisë për të vendosur standarde në ambiente dhe shërbime në qendrat shëndetësore vazhdon e njëjtë në të gjithë territorin.
/m.z/e.caushi/
