KIEL (Gjermani), 5 prill /ATSH-DPA/ – Lideri separatist katalan, Carles Puigdemont mund të lirohet me kusht, në pritje të një vendimi për ekstradimin ose jo drejt Spanjës, thanë sot burime gjyqësore.
Gjykata e shtetit verior të Schleswig Holstein tha në një deklaratë se lirimi i mundshëm me kusht i Puigdemont do të bëhej me garancinë pasurore prej 75 000 eurosh.
Puigdemont u ndalua muajin e kaluar pasi hyri në Gjermani nga Danimarka, ku jetonte në azil pasi ishte akuzuar për rebelim dhe keqpërdorim të fondeve publike gjatë referendumit të vitit të kaluar për pavarësinë e Katalonjës.
Gjykata gjermane shtoi se ekstradimi i Puigdemont me akuzën për rebelim nuk mund të lejohej, pasi akuza e barazvlershme gjermane për tradhti parashikon që i akuzuari duhet të ketë kryer akte dhune./ a.jor.
