PARIS, 12 nëntor /ATSH-ANSA/- Ideja e presidentit francez, Emmanuel Macron për një ushtri europiane është një ogur i mirë dhe një proces pozitiv, thekson presidenti rus Vladimir Putin në Paris, sipas agjencisë ruse të lajmeve, TASS.
Presidenti i SHBA Donald Trump e kishte konsideruar propozimin e Macronit si një fyerje ndaj Shteteve të Bashkuara të Amerikës.
Putin kujton se propozimi për të një ushtri europiane, i inicuar nga Macron nuk ishte një nismë e re duke cituar ndër të tjera se atë e kishte filluar një prej paraardhësve të tij në Elize’, ish-presidenti Jacques Chirac.
“Europa është një kapacitet i fuqishëm ekonomik dhe për një fuqi ekonomike është logjike të jetë e pavarur dhe sovrane në sektorin e mbrojtjes dhe sigurisë”, tha kreu i Kremlinit duke gjykuar këtë proces si thelbësisht pozitiv nga pikëpamja e forcimit të një bote multipolare./ /os/ a.jor.
