OSLO, 4 shkurt /ATSH-ANSA/ – Ish-sekretari i përgjithshëm i NATO-s, Jens Stoltenberg u bë sot ministri i ri i Financave i Norvegjisë, si pjesë e një riorganizimi të kabinetit, ndërsa vendi nordik vlerëson ndikimin e një lufte të mundshme tregtare transatlantike.
Emërimi i Stoltenberg, një kandidat gjerësisht popullor dhe i respektuar, mund t’i japë një shtysë qeverisë laburiste, e cila është duke luftuar në sondazhet e opinionit, përpara zgjedhjeve parlamentare në shtator.
Politikani shërbeu si kryeministër i Norvegjisë në vitet 2000-2001 dhe 2005-2013.
Ai drejtoi aleancën ushtarake perëndimore për një dekadë, duke përfshirë edhe gjatë mandatit të parë të presidentit të SHBA-së, Donald Trump, duke u larguar vitin e kaluar. / a.jor.
