PRISHTINE, 11 dhjetor/ATSH/ Britania e Madhe dhe Kosova janë partnerë në luftimin e krimit, ka shkruar Ambasada britanike në Prishtinë.
Ambasada në një postim në rrjetin X ka njoftuar se sekretari i përhershëm britanik Simon Ridley diskutoi sot me ministrin e Brendshëm Xhelal Sveçla, drejtorin e Policisë së Kosovës, Gazmend Hoxha dhe drejtorin e Doganës Agron Llugaliu mbi angazhimin e përbashkët për luftimin e krimit të organizuar transnacional.
“Rritja e bashkëpunimit tonë e bën më të vështirë veprimin e kriminelëve”, shkruan ambasada. /KosovaPress/
