TIRANË, 18 tetor/ATSH/ Drejtorja e Agjencisë Shqiptare të Zhvillimit të Investimeve, Laura Saro priti sot në një takim ambasadorin e Katarit në Shqipëri. Jabor Ali Hussein Al Hawashela Al Dosari.
Sipas AIDA-s, diskutimet u përqendruan në planet konkrete për forcimin e marrëdhënieve midis Shqipërisë dhe Katarit.
Të dy palët theksuan rëndësinë e bashkëpunimit në fushat prioritare të ekonomisë.
Saro nënvizoi mundësitë për tërheqjen e investimeve nga Katari në sektorët e rëndësishëm, ndërsa ambasadori shprehu interes për projekte që do të sjellin përfitime të ndërsjella.
Ky takim shënon një hap të rëndësishëm në forcimin e marrëdhënieve bilaterale dhe në promovimin e zhvillimit ekonomik. /j.p/
