TIRANË, 5 janar /ATSH/ Komisioni i Ankimimeve dhe Sanksioneve në KQZ ka pranuar ankimimin e koalicionit “Bashkë Fitojmë” për vendimin e Komisionerit Ilirjan Celibashi për të mos i hequr mandatin kryetarit të Bashkisë së Kuçovës, Kreshnik Hajdari për mosdeklarimin në formularin e vetëdeklarimit të një dënimi në Greqi në ’99-ën për kalim kufiri.
KAS vendosi që të shqyrtojë sërish mandatin e Kreshnik Hajdarit, duke argumentuar se ‘shfuqizimi i vendimit të Celibashit bëhet për verifikimin e thelluar për kryebashkiakun e Kuçovës.’
Kreshnik Hajdari i është përgjigjur me “jo” pyetjes në formularin e vetëdeklarimit nëse ka qenë i dënuar, por pavarësisht zbulimit të masës qortuese nga Gjykata e Janinës për kalimin e paligjshëm të kufirit, Celibashi vlerësoi se, vepra penale e kryer nuk është shkak ligjor për t’i ndërprerë mandatin.
