TIRANË, 8 nëntor/ATSH/ Futbollisti Arbër Basha nuk është më pjesë e “Kukësit”. Skuadra verilindore ka njoftuar “divorcin” me mesfushorin 25-vjeçar, përmes një statusi në rrjetet sociale.
“FK Kukësi edhe lojtari Arbër Basha kanë mbyllur bashkëpunimin midis tyre! Suksese në karrierën tënde Arbër!”, bën të ditur klubi verilindor.
Arbër Basha këtë sezon me “Kukësin” ka luajtur 9 nga 12 ndeshjet e zhvilluara deri më tani nga skuadra verilindore. “Kukësi” në këtë fillimsezon ka arritur të grumbullojë 14 pikë dhe renditet në vendin e pestë.
/r.e/
