TIRANË, 21 shtator /ATSH/ Kuvendi zhvillon sot seancën plenare ku pritet të diskutohen një sërë projektligjesh të rëndësishme.
Kështu, Kuvendi do të diskutojë fillimisht projektligjin “Për fondet e pensionit privat”.
Më pas do të diskutohet projektligji “Për disa shtesa dhe ndryshime në ligjin nr. 113/2020, “Për shtetësinë””.
Kuvendi gjithashtu pritet të diskutojë projektligjin “Për disa shtesa dhe ndryshime në ligjin nr. 119/2014, “Për të drejtën e informimit””.
Po ashtu sot do të diskutohet projektligji “Për disa shtesa dhe ndryshime në ligjin nr.8577, datë 10.2.2000, “Për organizimin dhe funksionimin e Gjykatës Kushtetuese””, të ndryshuar.
Kuvendi do të shqyrtojë edhe projektvendimin “Për zgjatjen e afatit të veprimtarisë së Komisionit të Posaçëm Parlamentar për Realizimin e Reformës Zgjedhore.
Kuvendi gjithashtu pritet të votojë sot 3 anëtarë të rinj të Këshillit Drejtues të Autoritetit të Komunikimeve Elektronike dhe Postare.
/r.e/
