BRUKSEL, 27 qershor /ATSH-DPA/ – Bashkimi Evropian do të forcojë luftën kundër përdorimit të paligjshëm të drogës dhe trafikut të drogës duke krijuar një agjenci të dedikuar, thuhet në një deklaratë për shtyp.
Detyrat e Agjencisë së Bashkimit Evropian për Drogën janë të përfshijë mbledhjen dhe analizimin e të dhënave për vlerësimin e rrezikut mbi zhvillimet e reja që mund të kenë një ndikim negativ në shëndetin dhe sigurinë publike.
Organi i ri gjithashtu do të fokusohet më shumë në problemet që lidhen me tregjet e drogës dhe furnizimin me drogë, sesa paraardhësi i tij, Qendra aktuale Evropiane e Monitorimit për Drogën dhe Varësinë nga Drogat (EMCDDA).
Agjencia e ardhshme me qendër në Lisbonë do të jetë më aktive përtej kufijve të BE-së dhe do të kërkojë bashkëpunim me organizatat ndërkombëtare dhe do të përfshijë vendet e treta në punën e saj.
Komisioni Evropian kishte propozuar krijimin e një agjencie të drogës vitin e kaluar.
Sipas shifrave nga Raporti i fundit Evropian për Drogën, të paktën 5 796 persona vdiqën në BE në vitin 2020, si rezultat i një mbidoze ose pasojave të përdorimit të tyre të drogës.
Kjo ishte rreth 13% më shumë se në vitin 2019. //a.i/
