BRUKSEL, 29 shtator /ATSH-ANSA/ – U bëj thirrje qytetarëve maqedonas të marrin pjesë në një proces të lirë dhe demokratikë për të ardhmen e vendit të tyre, deklaroi komisioneri i BE-së për Zgjerimin, Johannes Hahn, gjatë një takimi me zëvendëskryeministrin maqedonas për Çështjet Europiane Bujar Osmani, dy ditë para referendumit që Maqedonia do të organizojë për marrëveshjen me Greqinë për emrin e ri të vendit.
“Bojkoti nuk është shprehje e pjekurisë demokratike”, theksoi Hahn duke iu përgjigjur pyetjeve që kishin të bënin me qëndrimin e kundërt të presidentit maqedonas Ivanov, i cili ka bërë thirrje që qytetarët të mos shkojnë në votim.
“Qytetarët duhet të vlerësojnë mundësinë dhe të votojnë”, shtoi komisioneri.
Komisioni Europian filloi analizën, e njohur si ”procesi i shqyrtimit” (”screening”), të kërkesës së Shqipërisë dhe Maqedonisë për fillimin e negociatave për anëtarësim, të caktuar për në muajin qershor 2019.
“Nuk mund të humbasim asnjë ditë”, theksoi Hahn./ /os/ a.jor.
