TIRANE, 26 tetor /ATSH/ Në tregun e brendshëm të këmbimit valutor, të mërkurën monedha europiane fitoi pikë kundrejt lekut, ndërsa dollari amerikan u nënçmua thellë me 1.44 lekë.
Sipas kursit zyrtar të Bankës së Shqipërisë, euroja është ngjitur me 0.39 lekë në kuotën e këmbimit me 117.97 lekë, pas një rënie që shënoi disa ditë radhazi në tregun vendas. Ndryshe nga monedha e gjelbër amerikane që ra në vlerën e 117.65 lekëve.
Një euro e fortë penalizon klientët e bankave që kanë marrë kredi në këtë monedhë. Gjithashtu i bën më të shtrenjta importet, si dhe rrit kostot e qeverisë për pagesën e borxhit të jashtëm. Avantazh kanë eksportuesit, norma e fitimit të të cilëve do të rritet.
Forcimi i euros është pasojë jo vetëm e ecurisë së bursave, ku në këto të fundit monedha europiane ka fituar pikë kundrejt dollarit, por edhe e kërkesë-ofertës në tregun vendas.
Ndërkohë paundi britanik u ngjit me 1.031 lekë dhe këmbehet me 136.22 lekë dhe franga zvicerane u mbiçmua me 0.14 lekë dhe këmbehet me 118.99 lekë.
| Monedha kryesore | Lekë për njësi të monedhës së huaj | |||
|---|---|---|---|---|
| Dollar amerikan | USD | 117.65 | -1.44 | |
| Euro | EUR | 117.97 | +0.39 | |
| Poundi Britanik | GBP | 136.22 | +1.31 | |
| Franga Zvicerane | CHF | 118.99 | +0.14 | |
| Jeni Japonez (100) | JPY | 80.00 | +0.01 | |
| Dollari Australian | AUD | 76.19 | +1.09 | |
| Dollari Kanadez | CAD | 86.84 | +0.12 | |
| Korona Suedeze | SEK | 10.78 | +0.09 | |
| Korona Norvegjeze | NOK | 11.39 | +0.10 | |
| Korona Daneze | DKK | 15.85 | +0.05 | |
| SDR | SDR | 150.35 | -1.75 | |
| Ar (OZ 1) | XAU | 196491.97 | +986.68 | |
| Argjend (OZ 1) | XAG | 2314.09 | +68.35 | |
| Juani Kinez (onshore) | CNY | 16.40 | +0.11 | |
| Juani Kinez (offshore) | CNH | 16.33 | +0.15 | |
| Lira Turke | TRY | 6.32 | -0.08 | |
/r.e/
