TIRANË, 12 shtator/ATSH/ Kryetarja e Kuvendit, Lindita Nikolla, uroi sot nxënësit dhe mësuesit një vit të ri të suksesshëm shkollor.
“Me rastin e vitit të ri shkollor, u uroj nxënësve, mësuesve dhe prindërve një vit shkollor të suksesshëm. Nuk ka vite më të bukura se vitet e shkollës dhe nuk ka betejë më kuptimplote se beteja për dijen”, tha Nikolla.
Nikolla u shpreh se “si mësuese, përjetoj emocione të veçanta çdo fillim viti shkollor. Jam me mendje e zemër pranë çdo nxënësi, mësuesi e prindi në këtë ditë të shënuar. Për nxënësit përkushtimi i mësuesve është po aq frymëzues sa dashuria prindërore; për mësuesit nuk ka kënaqësi më të madhe sesa përparimi i nxënësve; prindërit lumturohen kur dashuria e tyre për fëmijët plotësohet nga talenti e pasioni i mësuesve”.
“Një vit të suksesshëm, të dashur nxënës, mësues e prindër!”, u shpreh Nikolla në mesazhin e saj.
/k.s/r.e/
