TIRANË, 29 mars/ATSH/ Qytetarët u mblodhën sot përballë Kryeministrisë, për të protestuar kundër rritjes së çmimeve të karburanteve dhe produkteve të shportës, ndikuar nga lufta në Ukrainë.
Me pankarta në duar, qytetarët kundërshtojnë rritjen e çmimit të naftës dhe produkteve të tjera bazë.
Përfaqësuesi i “Qëndresa Qytetare”, Migen Qiraxhi, tha se “patëm mundësi të përpilonim disa kërkesa për fashën e grupe në nevojë dhe kemi konsumuar në rrugë institucionale. Ne kemi treguar që e lemë protestën, por lajmi i mirë është që jemi rikthyer. E rëndësishme është që qytetarët e angazhuar dhe grupet shoqërore janë për të treguar vullnetin që ne qëndrojmë”.
Ai theksoi se ditën e sotme kanë vendosur që protesta të fokusohet më së shumti te sloganet.
Kjo është protesta e nëntë e qytetarëve përpara Kryeministrisë kundër rritjes së çmimeve.
Që prej fillimit të rritjes së çmimeve qytetarët kanë nisur protestat ku bëjnë thirrje për uljen e çmimeve.
/k.s/j.p/r.e/
