TIRANË, 6 mars/ATSH/ Kandidati i Partisë Demokratike për kryetar bashkie në Shkodër, Xhemal Bushati ftoi sot qytetarët shkodranë të përdorin fuqinë e votës.
“Sot është dita kur të gjithë shkodranët do të përdorin fuqinë e votës së tyre. I ftoj qytetarët e Shkodrës dhe të gjitha njësive administrative të votojnë, ta ushtrojnë këtë të drejtë. Sa më shumë të votojmë, sa më shumë ta shprehin vullnetin e tyre të lirë, aq më e drejtë do të jetë kjo vendimmarrje, për Shkodrën tonë, për të gjithë ne”, tha ai.
Bushati theksoi se “komisionerët e PD-së janë në krye të detyrës dhe vonesat janë për arsye organizative që nuk varen prej tyre”./m.m/
