KIEV, 25 dhjetor /ATSH-ANSA/ – Çdo sulm masiv rus kërkon kohë për t’u përgatitur. Nuk është kurrë një vendim spontan. Është një zgjedhje e qëllimshme, jo vetëm e objektivave, por edhe e kohës dhe datave. Sot, Putin zgjodhi qëllimisht Krishtlindjet për një sulm. Çfarë mund të jetë më çnjerëzore?”, shkroi presidenti ukrainas Volodymyr Zelensky në X pas sulmit masiv rus natën.
Rusia lëshoi kundër Ukrainës mbi 70 raketa, duke përfshirë ato balistike, dhe më shumë se njëqind drone sulmuese. Objektivat janë infrastruktura jonë energjetike. Ata vazhdojnë të përpiqen për një ndërprerje të Ukrainës”, akuzoi lideri ukrainas.
“Falënderoj të gjithë ata që punojnë për vendin, që janë në detyrë luftarake, që mbrojnë qiejt tanë. E keqja ruse nuk do ta thyejë Ukrainën dhe nuk do të shkatërrojë Krishtlindjet”, siguroi ai. /os/
