SEUL, 3 dhjetor /ATSH-DPA/ – Presidenti i Koresë së Jugut, Yoon Suk Yeol tha sot se do të heqë ligjin e luftës, që ai shpalli vetëm disa orë më parë, sipas agjencisë së lajmeve Yonhap.
Yoon tha se ushtria ishte tërhequr nga Asambleja Kombëtare dhe se ligji i luftës do të hiqej pas një takimi të afërt të kabinetit të tij.
Presidenti shpalli ligjin duke thënë se ishte një hap për të “çrrënjosur forcat pro koreano-veriore dhe për të mbrojtur rendin kushtetues”.
Asambleja Kombëtare votoi me shpejtësi për heqjen e ligjit, me 190 deputetë në favor të mocionit përkatës.
”Presidenti ishte i detyruar të hiqte ligjin nëse parlamenti prej 300 vendesh votonte pro me shumicë”, raportoi Yonhap, duke cituar kryetarin e parlamentit, Woo Won Shik./ a.jor.
