TIRANË, 18 nëntor /ATSH/ Ministri i Drejtësisë, Ulsi Manja reagoi sot për ngjarjen tragjike të ndodhur sot në afërsi të një shkolle 9-vjeçare në Tiranë.
Manja u shpreh thellësisht i tronditur nga humbja tragjike e jetës së një 14 –vjeçari.
“Thellësisht i tronditur nga humbja tragjike e një të mituri nga një konflikt mes moshatarësh”, theksoi Manja.
Ministri shprehu, ngushëllimet më të sinqerta për familjen në këtë dhimbje të paimagjinueshme.
Gjithashtu ai i bëri thirrje institucioneve të zbardhin rrethanat me urgjencë dhe drejtësi.
“I bëj thirrje institucioneve të zbardhin rrethanat me urgjencë dhe drejtësi. Si Ministër i Drejtësisë, mbështes çdo masë ligjore për një mjedis më të sigurt për fëmijët tanë në shkolla”, tha ai.
