TIRANË, 4 nëntor /ATSH/ Komisioni i Pavarur i Kualifikimit (KPK) bën të ditur se pas shqyrtimit të dokumentacionit dhe seancës dëgjimore të zhvilluar sot, ka konfirmuar në detyrë Laureta Ahmetin, ndihmëse ligjore në Gjykatën e Apelit të Juridiksionit të Përgjithshëm, Tiranë.
“Vendimi, i arsyetuar me shkrim, nga trupi gjykues i kryesuar nga Suela Zhegu, Olsi Komici relator, Brunilda Bekteshi anëtare, do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve,” thuhet në njoftimin e KPK-së.
Ky vendim mund të ankimohet në Kolegjin e Posaçëm të Apelimit nga subjekti i rivlerësimit, si dhe Komisioneri Publik brenda 15 ditëve nga data e njoftimit të tij.
Ankesa duhet të depozitohet në Komisionin e Pavarur të Kualifikimit.
/a.f/r.e/
