TEL AVIV, 28 tetor /ATSH-DPA/- Parlamenti izraelit miratoi sot në mbrëmje projektligjin të diskutueshëm që ndalon Agjencinë e Kombeve të Bashkuara për Ndihmën dhe Punën për Refugjatët Palestinë (UNRWA) të veprojë në territorin izraelit, vitin e ardhshëm.
Organizata e OKB-së është ofruesi kryesor i ndihmës humanitare në Rripin e Gazës dhe ligji rrezikon të ndalojë agjencinë të punojë edhe në territoret palestineze, pasi Izraeli kontrollon pikat kufitare.
Sekretari i Përgjithshëm i OKB-së, Antonio Guterres paralajmëroi për rrezikun e planit, duke thënë se ai do të “mbyste” përpjekjet për të lehtësuar vuajtjet njerëzore dhe tensionet në Rripin e Gazës, si dhe në Bregun Perëndimor dhe Jerusalemin Lindor, në fillim të këtij muaji. //a.i/
