LONDËR, 16 tetor /ATSH/ – Financat e luftës në Rusi mund ta çojnë vendin drejt humnerës, shkruan ilmessaggero.it.
Sipas analistëve, sistemi ekonomik i ngritur nga Kremlini, i orientuar drejt luftës dhe rritjes së paprecedentë të shpenzimeve ushtarake, rrezikon të përkeqësojë ekuilibrin tashmë të pasigurt të financave të qeverisë.
Rritja e borxhit publik, taksat gjithnjë e më të rënduara, rritja e kostove dhe shërbimeve publike po nxisin pakënaqësinë e popullatës dhe pakënaqësia me standardet e jetesës mund të shpërthejë në çdo moment.
Qeveria ruse, e udhëhequr nga kryeministri Mikhail Mishustin, miratoi një projektbuxhet për 2025-2027, javën e kaluar, që kërkon një rritje të mprehtë të shpenzimeve të mbrojtjes, duke arritur në 13,5 trilion rubla (145 miliardë dollarë) në 2025, 25% mbi nivelin e 2024 dhe e barabartë në 6,3% të Prodhimit të Brendshëm Bruto (PBB).
Që nga fillimi i një pushtimi në shkallë të plotë të Ukrainës në vitin 2022, Rusia e ka transformuar ekonominë e saj të brendshme, duke e vënë atë në një bazë lufte, në një përpjekje për të rritur në mënyrë dramatike prodhimin ushtarak dhe për të anashkaluar sanksionet ndërkombëtare që e pengojnë atë nga një pjesë e madhe e burimit të pajisjeve dhe komponentëve ushtarakë./ /os/
