SOFJE, 15 tetor /ATSH-BTA/ – Duke iu drejtuar mbledhjes së sotme të Këshillit të Ministrave, kryeministri bullgar në detyrë, Dimitar Glavçev rikonfirmoi mbështetjen e fortë të Bullgarisë për zgjerimin e Bashkimit Evropian (BE) me vendet e Ballkanit Perëndimor si dhe me Moldavinë, Ukrainën dhe Gjeorgjinë.
“Bullgaria është një urë lidhëse midis Ballkanit Perëndimor dhe Moldavisë, Ukrainës dhe Gjeorgjisë”, theksoi Glavçev.
“Bullgaria gjithmonë e ka mbështetur zgjerimin”, shtoi ai.
Sipas kryeministrit Glavçev, zgjerimi është bazë për rritjen e sigurisë, stabilitetit dhe zhvillimit ekonomik jo vetëm në këto vende, por edhe në BE në tërësi, por vetëm nëse respektohen angazhimet e secilit prej vendeve./ /os/
