IMOLA, 17 maj /ATSH-AA/ – Kampionati Botëror në Formula 1 do të vazhdojë nën organizimin e Italisë me Çmimin e Madh Emilia-Romagna e cila është gara e shtatë e sezonit, raporton Anadolu.
Gara me 63 xhiro do të zhvillohet në pistën Enzo dhe Dino Ferrari me një gjatësi prej 4.909 metra që ndodhet në qytetin Imola të Italisë. Xhirot e renditjes do të mbahen nesër në orën 16:00 ndërsa gara të dielën më 19 maj në orën 15:00.
Deri më tani piloti holandez i Red Bull-it, Max Verstappen ka fituar 4 gara ndërsa piloti spanjoll nga ekipi i Ferrarit, Carlos Sainz dhe piloti Lando Norris nga McLaren kanë nga një fitore.
Pesë vendet e para të klasifikimit të pilotëve dhe ekipeve janë si më poshtë:
– Pilotët
1. Max Verstappen (Holandë): 136 pikë
2. Sergio Perez (Meksikë): 103
3. Charles Leclerc (Monako): 98
4. Lando Norris (Britani e Madhe): 83
5. Carlos Sainz (Spanjë): 83
– Ekipet
1. Red Bull: 239
2. Ferrari: 187
3. McLaren: 124
4. Mercedes: 64
5. Aston Martin: 42 /os/
