TIRANË, 11 maj /ATSH/ Skënderbeu do të jetë skuadra e katërt pas Partizanit, Egantias dhe Vllaznisë, që do t’i bashkohet “Final Four”.
Skuadra korçare ka fituar në Shkodër përballë Vllaznisë në javën e 36-të dhe të fundit të Superligës shqiptare të futbollit me rezultatin 5-1. Ndeshja e zhvilluar në “Loro Boriçi” të Shkodrës nuk pati histori, me ujqërit e dëborës që bindën në lojë dhe rezultat. Kjo fitore e Skënderbeut e bën të pavlerë fitoren e Tiranës ndaj Egnatias së vendit të parë me rezultatin 3-0 në Rrogozhinë. Bardheblutë e mbyllin kampionatin në vendin e pestë.
Fitore ka arritur dhe Partizani ndaj Kukësit me rezultatin 4-0, duke arritur në vendin e parë të klasifikimit Egnatian, ndërsa Dinamo City është mundur 1-0 ndaj Teutës, duke humbur dy pozicione në klasifikim dhe duke e mbyllur kampionatin në vendin e 7-të
Tashmë titulli kampion do të luhet mes katër skuadrave të para në klasifikim; Egnatia, Partizani, Vllaznia dhe Skënderbeu. Të hënën do të hidhet shorti pranë FSHF mbi Final Four.
Superliga mbylli këtë të shtunë siparin e sezonit të rregullt. Kukësi dhe Erzeni do të luajnë sezonin e tjetër në kategorinë e parë, Laçi do të luajë mbijetesën në Superligë në “Play Out”, ndërsa katër skuadrat e para të klasifikuara, do të luajnë në “Final Four” për trofeun e kampionit të Shqipërisë. Fituesi i titullit kampion merr pjesë në Champions League sezonin e ardhshëm, teksa tre skuadrat e tjera, do të marrin pjesë në Conference League.
/a.f/
Klasifikimi final
