PRISHTINË, 17 prill /ATSH/ Raportuesja për Kosovën në Parlamentin Evropian, Viola Von Cramon ka reaguar sot pas bllokimit të kosovarëve në kufirin Serbi-Kroaci.
“Serbia duhet të ndalojë së turpëruari veten dhe menjëherë t’i lërë personat me ID/pasaporta të Kosovës të kalojnë kufirin Batrovci, Serbi-Kroaci! Liria e lëvizjes së të gjithëve duhet të sigurohet pa asnjë diskriminim në bazë të kombësisë”, ka shkruar ajo në Twitter.
Gjatë ditës është raportuar për bllokimin e 300 kosovarëve në kufi, ndërsa autoritetet e Kosovës u kanë bërë thirrje të gjithë bashkatdhetarëve dhe qytetarëve që janë në lëvizje të evitojnë me çdo kusht kalimin nëpër Serbi.
/KosovaPress/
