BERLIN, 12 mars /ATSH-DPA/- Gjermania është goditur sërish nga një valë e dyfishtë grevash në sektorin e transportit, pasi drejtuesit e trenave dhe ekuipazhet e kabinës së avionëve ndaluan sot punën për shkak të mosmarrëveshjeve të vazhdueshme për pagat.
Rreth 80% e trenave në distanca të gjata u anuluan pasi drejtuesit e trenave nga kompania shtetërore hekurudhore “Deutsche Bahn” nisi sot grevën.
Në qendrat kryesore ajrore në Frankfurt dhe Mynih, dhjetëra mijëra pasagjerë duhej të riplanifikonin fluturimet e tyre për shkak të grevës dyditore nga sindikata e ekuipazhit të kabinës.
Një gjykatë gjermane e apelit do të shqyrtojë përpjekjen e “Deutsche Bahn” për të bllokuar grevën e drejtuesve të trenave në një seancë dëgjimore sot në mesditë. //a.i/
