TIRANË, 27 shkurt /ATSH/ Prefektja e Shkodrës, Majlinda Angoni, në cilësinë e kryetares së Taskforcës Vendore të Luftës kundër Kultivimit e Trafikimit të Kanabisit ishte pjesë e takimit koordinues të Bashkisë Malësi e Madhe.
Së bashku me kryebashkiakun Tonin Marinaj, zv/drejtorin e Sigurisë Publike në Drejtorinë e Policisë Shkodër, Akil Kalo, shefin e Komisariatit Malësi e Madhe, Florent Sulçe dhe administratorëve, kryetarëve të fshatrave dhe drejtorive që kanë dhe kompetenca në këtë drejtim theksuan se bashkëpunimi, koordinimi i informacionit dhe zbatimi i ligjit duhet të drejtojnë punën e gjithësecilit.
Në takim Angoni theksoi se, duhet intensifikuar komunikimi mes kryetarëve të fshatrave në bashkëpunim me specialistët e njësisë administrative, angazhim dhe bashkëpunim maksimal të të gjithë përgjegjësve në luftën kundër kultivimit të kanabisit.
/r.e/
