ROME, 16 janar /ATSH-DPA/ – Një varkë emigrantësh me rreth 40 persona në bord u mbyt në Mesdhe pasi u nis nga Libia javën e kaluar, tha roja bregdetare italiane.
Varka prej druri u pa për herë të fundit të premten në ishullin e Maltës nga një aeroplan që i përkiste agjencisë evropiane të mbrojtjes së kufijve Frontex.
Përveç anijeve dhe avionëve të rojes bregdetare, në kërkim u përfshinë edhe anijet tregtare që kalonin tranzit në zonë.
Sipas organizatave humanitare, në bordin e anijes lundruan midis 35 dhe 46 persona. Destinacioni mendohej të ishte ishulli italian i Lampedusa, një nga qendrat e migrimit nga Afrika në Evropë.
Megjithatë, anija nuk mbërriti kurrë dhe punonjësit humanitarë kanë frikë se mund të jetë fundosur. /os/
