VJENË, 29 dhjetor /ATSH-DPA/ – Shtetet e Bashkuara të Amerikës, Franca, Gjermania dhe Britania e Madhe dënuan Iranin për rritjen e prodhimit të uraniumit të pasuruar.
”SHBA, Franca, Gjermania dhe Britania e Madhe e kanë dënuar tërheqjen’ e Teheranit duke thënë se ajo demonstron mungesën e vullnetit të mirë të vendit drejt de-përshkallëzimit”, raportoi Agjencia Ndërkombëtare e Energjisë Atomike (IAEA).
”Masa shton përshkallëzimin e vazhdueshëm të programit bërthamor të Iranit”, thanë fuqitë perëndimore në një deklaratë të përbashkët të publikuar nga Departamenti i Shtetit i SHBA.
Ata më pas i kërkuan Teheranit të ndryshojë kursin dhe të “frenojë programin e tij bërthamor”.
“Irani duhet të bashkëpunojë plotësisht me IAEA për t’i mundësuar asaj të ofrojë garanci se programi i tij bërthamor është ekskluzivisht paqësor dhe të riemëojë inspektorët e pezulluar në shtator 2023”, thuhet në deklaratë.
Irani njoftoi në fund të nëntorit planet e tij për të rritur prodhimin në fabrikat e tij Natanz dhe Fordow. Më pas, inspektorët e IAEA verifikuan prodhimin gjatë vizitave më 19 dhe 24 dhjetor.
Që nga fundi i nëntorit, rreth nëntë kilogramë uranium të pasuruar në pastërtinë 60% janë prodhuar në uzinat iraniane të Natanzit dhe Fordousit, krahasuar me rreth tre kilogramë në muaj në muajt e mëparshëm./ /os/
