TIRANË, 25 dhjetor /ATSH/ Ministria e Bujqësisë dhe Zhvillimit Rural, po punon me donatorët që gështenjat e Tropojës të certifikohet me standardet e larta të cilësisë duke u bër kështu, një produkt unik që rritet në gjendje të egër me potencial të lartë për të rritur fitimet për banorët e zonës.
Përmes një projekt pilot po synohet të vendoset zinxhirë të qëndrueshëm të vlerës së gështenjës në rajonin e Tropojës Veriore, duke ndërhyrë në zbatimin e masave për kontrollin biologjik të dëmtuesve.
Në fokuso do të jetë zona malore e rrethit verior të Tropojës në Shqipëri, që ka mbi 2000 hektarë masiv pyjor gështenjash dhe 70 % e banorëve të zonë sigurojnë të ardhura ekonomike nga ky produkt.
Projekti “Zhvillimi i qëndrueshëm i zinxhirit të vlerës së gështenjës” do të zgjasë nga viti 2023 deri në vitin 2025. Nisma synon rigjallërimin e zinxhirit të vlerës së gështenjës, duke përfshirë prodhimin, përpunimin dhe tregtimin e gështenjës, me fokus në zgjerimin e sipërfaqeve të kultivuara dhe pozicionimin e produkteve të gështenjës në tregun rajonal.
