TIRANË, 1 nëntor /ATSH/ Forca Detare shqiptare ishte pjesë e stërvitjes “Neptune Strike 23”, mes 20 vendeve aleate të NATO-s.
Ministri i Mbrojtjes, Niko Peleshi u shpreh sot se, anija “Oriku” dhe ekuipazhi i saj ndërvepruan në detin tonë territorial me aeroplanmbajtësen spanjolle “Juan Carlos” dhe fregatën “Numancia”.
Pjesë e stërvitjes ishin dhe 3 helikopterë dhe 2 avionë, të cilët mbështesnin nga ajri operacionet speciale të trupave në det dhe ishullin e Sazanit.
“Neptune Strike 23”, ka për qëllim zbatimin e ligjshmërisë në det dhe koordinimin e veprimeve gjatë kryerjes së operacioneve të përbashkëta midis vendeve të NATO-s.
/r.e/
