TIRANË, 29 shtator/ATSH/ Gjatë qëndrimit në Lezhë, kryetari i Partisë Demokratike, Lulzim Basha zhvilloi një bashkëbisedim me gra të këtij qyteti.
“Unë e di që ditët janë shumë të vështira për çdo grua. Ato sakrifikojnë më shumë se kushdo për të siguruar mirëqenien e familjes, për t’u kujdesur për fëmijët dhe punët e përditshme të shtëpisë”, deklaroi Basha.
Basha theksoi se sa më e sigurt, e pavarur dhe e sukseshme të jetë një grua, aq më e fortë do të jetë familja dhe më e shëndetshme do të jetë shoqëria.
“Prandaj kujdesi dhe mbështetja për gratë duhet të jetë priotitet për çdo qeveri”, shtoi Basha.
/r.e/
