TIRANË, 21 shtator /ATSH/ Presidenti i Republikës, Bajram Begaj dhe Zonja e Parë Armanda Begaj zhvilluan sot një takim me Presidentin e Shteteve të Bashkuara të Amerikës, Joe Biden dhe Zonjën e Parë të SHBA, Jill Biden.
“Miq dhe partnerë të bashkuar nga një aleancë vlerash”, shkruan Presidenti Begaj në rrjetet sociale.
Presidenti i Republikës Bajram Begaj ndodhet në Nju Jork SHBA, ku kryeson delegacionin zyrtar të Shqipërisë në Sesionin e 78-të të Asamblesë së Përgjithshme të OKB-së.
/r.e/
