TIRANË, 11 shtator /ATSH/ Fotografia në lëvizje është tema e edicionit të 6-të të Festivalit të Fotografisë “Tirana Photo Festival”, i cili u çel më 9 shtator dhe do të vijojë deri më 17 shtator në Tiranë, pranë Liqenit Artificial.
Tirana në Lëvizje përkon edhe me statusin e Tiranës këtë vit, si “Kryeqyteti Europian i Sporteve 2023” .
Festivali i Fotografisë së Tiranës është aktiviteti më i rëndësishëm i fotografisë në Shqipëri dhe qëllimi i tij është të promovojë Shqipërinë përmes fotografisë, si dhe të edukojë të rinjtë me artin e fotografisë.
Në këtë festival, që organizohet me mbështetjen e agjencisë së turizmit dhe agroturizmit do të ekspozohen 100 foto.
Festivali vjen si një udhëtim edhe me aplikacionin TEA, që vijon me evente të ndryshme në të gjithë Shqipërinë.
Aplikacioni TEA krijoi mundësinë e kapërcimit të kufijve duke u kthyer në një guidë frymëzuese për miliona turistë, që e bënë këtë aplikacion pjesë të pushimeve dhe eksperiencës së tyre unike në Shqipëri.
/r.e/
