TIRANË, 4 shtator /ATSH/ Zyra e Delegacionit të BE-së në Tiranë njoftoi se, ambasadori Luigi Soreca, i ngarkuari me punë ad interim, u takua me ekipin e delegacionit të BE-së ndërsa nisi të drejtojë delegacionin deri në mbërritjen e shefit të ri të delegacionit në muajt e ardhshëm.
“Është një nder dhe një privilegj të jem përsëri në Tiranë në këtë moment veçanërisht të rëndësishëm për zgjerimin e BE-së dhe për procesin e integrimit të Shqipërisë në BE, si dhe në të njëjtën kohë me samitin e ardhshëm të Procesit të Berlinit në Tiranë”, u shpreh Soreca.
“Bashkimi Evropian qëndron me vendosmëri pranë Shqipërisë në konsolidimin e progresit të arritur, thellimin e transformimit të vendit dhe nxitjen e reformave të rëndësishme që do ta sjellin Shqipërinë në BE”, tha ambasadori Soreca.
