TIRANË, 9 gusht /ATSH/ Efektivët EOD vazhdojnë punën në të gjithë territorin e vendit tonë për asgjësimin e municioneve të paplasura.
Ministri i Mbrojtjes, Niko Peleshi u shpreh sot se ky është një angazhim i vazhdueshëm për të garantuar sigurinë.
“Kthimi në zona të pastra duke siguruar që municionet të mos paraqesin asnjë rrezik për komunitetin është prioritet dhe përgjegjësi e jona”, nënvizoi ai.
Peleshi shprehu mirënjohje për të gjithë efektivët e FA, të cilët, theksoi ai, “tregojnë guxim dhe janë shembulli më i mirë i përkushtimit ndaj detyrës së tyre”.
/r.e/
