TIRANË, 21 korrik/ATSH/ Nënkryetari i Partisë së Lirisë, Petrit Vasili u thirr sot nga Prokuroria e Posaçme kundër Korrupsionit dhe Krimit të Organizuar.
Ai u pyet për mbi 1 orë nga prokurorët e Prokurorisë së Posaçme.
Në dalje nga SPAK, Vasili nuk ka dhënë detaje lidhur me marrjen në pyetje.
“U thirra si person në dijeni. Kisha ca pyetje u përgjigja. Për çështje që kishin interes ata. Pyesni SPAK-un”, u shpreh Vasili për mediet.
Mediet raportojnë se Vasili është thirrur për çështjen e lobimit të LSI-së në SHBA.
Prokuroria e Posaçme ka marrë në pyetje më herët dhe ish-deputetin e Lëvizjes Socialiste për Integrim, Endrit Braimllari në lidhje me lobimin në Amerikë të subjektit politik që ai përfaqëson.
/r.e/
