TIRANË, 9 qershor/ATSH/ Shefi i Shtabit të Përgjithshëm të Forcave të Armatosura, gjeneral brigade Arben Kingji priti sot në një takim zyrtar shefin e Byrosë së Gardave Kombëtare të SHBA, gjeneral Daniel Hokanson, i shoqëruar nga ambasadorja Yuri Kim.
Shefi i Shtabit të FA-ve bëri të ditur se gjatë takimit u vlerësua roli i Shqipërisë në Aleancë, si dhe rritja e bashkëpunimit në fushën e edukimit si dhe u ra dakord për zhvillimin e stërvitjeve.
“Me konsideratat më të larta për rolin e Shqipërisë në Aleancë dhe qëndrimin e saj në mbështetjen ndaj Ukrainës, si dhe konfirmoi rritjen e mëtejshme të bashkëpunimit me Forcat e Armatosura, nëpërmjet programeve të ndryshme të trajnimit, arsimimit dhe stërvitjes, për zhvillimin e një force të mirëtrajnuar, e aftë të ndërveprojë me SHBA e NATO dhe e gatshme të kontribuojë në misione të ndryshme ndërkombëtare”, u shpreh Kingji.
Më herët, shefi i Byrosë së Gardave Kombëtare të SHBA, gjeneral Daniel Hokanson, i shoqëruar nga ambasadorja, Yuri Kim takoi edhe ministrin e Mbrojtjes, Niko Peleshi.
/r.e/
